Anglia është në buzë të greminës
BKT
   Bota

Anglia është në buzë të greminës

Anglia ndodhet “në buzë të greminës” për sa i përket betejës kundër COVID-19 dhe duhet të marrë masa të menjëhershme për të parandaluar shifrat në rritje, tha një zyrtar i lartë i mjekësisë së vendit.

Prof Jonathan Van-Tam paralajmëroi se “sezoni është kundër nesh” me ardhjen e stinës së dimrit e cila vetvetiu është një periudhë e vështirë për personelin mjekësor.

Tashmë, çdo person i infektuar e transmeton virusin tek më shumë se një person, tha Van-Tam, ndërkohë që janë shtuar dhe shifrat e personave të shtruar në spitale.

“Edhe pse epidemia është rishfaqur tek grup moshat më të reja gjatë javëve të fundit, ka prova të qarta se virusi po përhapet edhe tek më të moshuarit. Për fat të keq, ashtu siç nata pason ditën, do të pasojnë edhe një rritje në numrin e viktimave përgjatë javës së ardhshme”, shtoi Van-Tam.

“Në betejën tonë kombëtare kundër COVID-19 jemi thuajse në buzë të greminës, ashtu ku gjendeshim dhe në mars; por ne mund të parandalojmë që historia të mos përsëritet nëse veprojmë menjëherë”.

Paralajmërimi i Van-Tam vjen një ditë përpara prezantimit të masave të reja nga kryeministri Boris Johnson, njofton euronews.albania.

Mbretëria e Bashkuar renditet në vend të pestë për numrin e viktimave nga COVID-19 me  42.850 humbje jete që nga fillimi i pandemisë.