Indonezi, 136 mjekë të vdekur nga COVID-19
Ari Kusuma Januarto, një zyrtar nga Shoqata Indoneziane e Mjekëve, në një njoftim me shkrim tha se 73 ishin mjekë të përgjithshëm, ndërsa 63 ishin specialistë. Ai tha se vetëm gjatë këtij muaji kanë vdekur nëntë mjekë.
Të paktën 136 mjekë në Indonezi kanë humbur jetën nga koronavirusi i ri (COVID-19) që kur shpërtheu pandemia në muajin mars, transmeton Anadolu Agency (AA).
Ari Kusuma Januarto, një zyrtar nga Shoqata Indoneziane e Mjekëve, në një njoftim me shkrim tha se 73 ishin mjekë të përgjithshëm, ndërsa 63 ishin specialistë. Ai tha se vetëm gjatë këtij muaji kanë vdekur nëntë mjekë.
Më shumë viktima u regjistruan në provincën Java Lindore, ku humbën jetën 32 mjekë, e ndjekur nga kryeqyteti Xhakarta me 19 dhe provinca Sumatra Veriore me dy mjekë të vdekur.
"Qindra pjesëtarë nga personeli mjekësor kanë vdekur gjatë shërbimit të tyre pasi u infektuan me COVID-19. Kjo sot është një krizë në shërbimet shëndetësore", tha Januarto, duke shtuar se çdo punonjës shëndetësor ka të drejtën e sigurisë në vendin e punës.
Ai kërkoi bashkëpunim më të madh midis qeverisë dhe publikut për të ulur shkallën e infeksionit.
"Kjo situatë nuk do të zgjidhet kurrë nëse nuk ka bashkëpunim nga njerëzit si pararojë", shtoi Januarto.
Shoqata u bëri thirrje njerëzve të respektojnë protokollet shëndetësore për të reduktuar rrezikun e infektimit dhe për të lehtësuar barrën e punonjësve të shëndetësisë në spitale.
Përveç mjekësve, shumë infermierë dhe dentistë po ashtu kanë vdekur nga koronavirusi.
Në fund të muajit shtator, Shoqata Kombëtare e Infermierëve të Indonezisë njoftoi se 92 infermierë kishin vdekur, ndërsa Shoqata e Dentistëve të Indonezisë konfirmoi nëntë vdekje midis stomatologëve që kur shpërtheu pandemia në muajin mars.
Indonezia së fundmi raportoi 4.411 raste të reja të koronavirusit, duke e çuar numrin e përgjithshëm të tyre në 349.160, përfshirë 12.156 vdekje dhe 273.661 të shëruar.























