SHBA-ja raportoi 71 mijë raste të reja me coronavirus

SHBA-ja raportoi 71 mijë raste të reja me coronavirus

SHBA-ja raportoi të enjten 71 mijë raste të reja me coronavirus, shifra më e lartë që nga 24 korriku.

Sipas medieve të huaja, përcjell Telegrafi, numri i përgjithshëm i të prekurve në vend ka arritur në 8.4 milionë, derisa është zona më e goditur në botë nga pandemia.

Vendi ka regjistruar tanimë 223 mijë viktima nga coronavirusi.

Rritje të frikshme të rasteve ditore janë parë edhe në disa vende evropiane; vetëm në Francë u raportuan 41 mijë raste brenda 24 orëve të fundit.

Bilanci i të prekurve është rritur dukshëm edhe në Spanjë, Britani të Madhe, Gjermani, Çeki, Poloni dhe Belgjikë.

Pandemia e coronavirusit e cila shpërtheu muaj më parë në Wuhan të Kinës, ka prekur tashmë 41 milionë njerëz globalisht, ndërsa la të vdekur më shumë se një milion prej tyre.


MË SHUME NGA Bota