Austri, tri ditë zi kombëtare pas sulmit terrorist në Vjenë
BKT
   Bota

Austri, tri ditë zi kombëtare pas sulmit terrorist në Vjenë

Qeveria austriake ka dekretuar tri ditë zi kombëtare, pas sulmit të djeshëm në Vjenë.

”Katër persona humbën jetën pas sulmit terrorist në Vjenë”, deklaroi ministri i Brendshëm austriak, Karl Nehammer për agjencinë austriake të lajmeve APA.

Viktima e katërt ishte një grua e moshës midis 40 dhe 50 vjeç, e cila vdiq në një spital të Vjenës.

Sulmuesi u qëllua për vdekje nga policia të hënën në mbrëmje.

”Ai ishte simpatizant i grupit të milicisë ekstremiste ‘Shteti Islamik”, sipas Nehammer./atsh