BE-ja e gatshme për ndërtimin e partneritetit të fuqishëm transatlantik
BKT
   Bota

BE-ja e gatshme për ndërtimin e partneritetit të fuqishëm transatlantik

Përfaqësuesi i lartë i Bashkimit Evropian për Politikë të Jashtme dhe Siguri, Josep Borrell, ka thënë se blloku evropian vazhdon të jetë i gatshëm që të ndërtojë partneritet të fortë transatlantik, teksa ka folur për zgjedhjet presidenciale në Shtetet e Bashkuara.

“Populli amerikan ka folur. Derisa presim për rezultatin zgjedhor, BE-ja është e gatshme për të vazhduar ndërtimin e partneritetit të fuqishëm transatlantik, të bazuar në histori dhe vlerat tonë të përbashkëta”.

The American people have spoken. While we wait for the election result, the EU remains ready to continue building a strong transatlantic partnership, based on our shared values and history.

— Josep Borrell Fontelles (@JosepBorrellF) November 4, 2020

Rezultati i zgjedhjeve presidenciale në Shtetet e Bashkuara do të përcaktohet nga një pjesë e shteteve, të cilat do t’i fitojë ose presidenti amerikan, Donald Trump, ose sfiduesi i tij demokrat, Joe Biden.

Ato luajnë rol kritik në mbledhjen e 270 votave elektorale që duhen për të fituar Shtëpinë e Bardhë.

Nga 13 shtete kritike, në shtatë ende nuk dihen rezultatet, katër i ka fituar Trump, ndërsa dy Biden.

Për shkak të rritjes së numrit të votave përmes postës, pas shpërthimit të pandemisë me koronavirus, publikimi i rezultateve përfundimtare mund të marrë disa ditë.