Vinte nga Kili, sekuestrohen 932 kg kokainë në jug të Italisë
BKT
   Bota

Vinte nga Kili, sekuestrohen 932 kg kokainë në jug të Italisë

Rreth 932 kg kokainë janë gjetur të fshehura në kontenieret e midhjeve të ngrira në jug të Italisë.

Sipas mediave vendase, lënda narkotike ishte e ndarë në 800 pako dhe u gjet në portin e Gioia Tauro, në Kalabri.

Kontenieri mësohet se vinte nga Kili, ndërkohë që kanë qenë rrezet X të kontrollit që kanë konstatuar sasinë e konsiderueshme të drogës, vlera e të cilës arrinte në 186 milion euro.

Operacioni u krye nga Guardia Di Finanzia në bashkëpunim me policinë e portit, ndërkohë që nuk ka ende të arrestuar.