Bullgaria dhe Izraeli do të thellojnë marrëdhëniet
BKT
   Bota

Bullgaria dhe Izraeli do të thellojnë marrëdhëniet

Ministrat e punëve të jashtme të Bullgarisë dhe të Izraelit Ekaterina Zaharieva dhe Gabi Ashkenazi arritën marrëveshje që bashkëpunimi midis dy vendeve të thellohet në fushat e interesit reciprok.

Gjatë vizitës së parë zyrtare në Izrael ministrja Zaharieva theksoi, se për 30 vjetët që nga rivendosja e marrëdhënieve diplomatike midis dy vendeve “Izraeli mbetet miku më i afërt dhe partner strategjik i Bullgarisë në Lindjen e Mesme”.

Gabi Ashkenazi babai i të cilit është hebre bullgar i shprehu mirënjohje Ekaterina Zaharieva për shpëtimin e hebrenjve bullgarë. "Të gjithë hebrenjtë, i gjithë populli i Izraelit do të kujtojë përgjithmonë ata që qëndruan pranë nesh gjatë periudhës më të errët të historisë, veçanërisht në Evropë”, tha Ashkenazi.

Në kuadrin e vizitës ministrja Zaharieva u takua edhe me kryeministrin Benjamin Netanjahu dhe me presidentin Reuven Rivlin, njoftuan nga MPJ.