Izraeli dhe Bahrain pajtohen që së shpejti ta bëjnë hapjen e ambasadave
Izraeli dhe Bahrain do ta bëjnë së shpejti hapjen e ambasadave në kryeqytetet e njëra-tjetrës.
Këtë e kanë thënë ministrat e jashtëm të të dyja vendeve gjatë së mërkurës.
Gjatë vizitës së parë të zyrtarëve të Bahrainit në Izrael, ministri i jashtë i Gjirit, Abdullatif Al-Zayani, ka thënë se homologu i tij, Gabi Asshkenazi do të zhvillojë vizitë në Manama, shkruan Reuters, transmeton Klan Kosova.
“Jam i lumtur që t’ia përcjell Ministrit Ashkenzai kërkesën e Mbretërisë së Bahrainit për hapjen e ambasadës në Izrael dhe ta informoj atë që kërkesa e Izraelit për hapjen e ambasadës në Manama është miratuar”, ka thënë Al-Zayani.
“Ky është një proces që shpresoj se mund të ecë para relativisht shpejt”.
Askenazi ka thënë se shpreson se ceremonia e hapjes së ambasadave mund të mbahet deri në fund të 2020-ës.
Këto dy shtete janë pajtuar në muajin e kaluar që t’i normalizojnë marrëdhëniet.























