Nigeri, deri tani nga HIV kanë vdekur 1,6 milionë persona
BKT
   Bota

Nigeri, deri tani nga HIV kanë vdekur 1,6 milionë persona

Në kryeqytetin Abuja në organizim të Rrjetit për persona me HIV/AIDS në Nigeri (NEPWHAN) është mbajtur program me rastin e 1 dhjetorit, Ditës Botërore për Luftë kundër HIV/AIDS.

Në Nigeri deri më tani si pasojë e infeksionit me virusin HIV kanë vdekur 1,6 milionë njerëz, raporton Anadolu Agency (AA).

Në kryeqytetin Abuja në organizim të Rrjetit për persona me HIV/AIDS në Nigeri (NEPWHAN) është mbajtur program me rastin e 1 dhjetorit, Ditës Botërore për Luftë kundër HIV/AIDS.

Dr. Erasmus Morah, përfaqësuesi i programit të përbashkët të Kombeve të Bashkuara për HIV/AIDS (UNAIDS), në adresimin e programit tha se deri më tani në këtë vend 1,6 milionë njerëz kanë vdekur nga AIDS.

Ai theksoi se personat e infektuar me HIV në Nigeri shpesh herë u ekspozohen diskriminimit në shoqëri.

"OKB është gjithmonë aty për të gjithë njerëzit të infektuar me HIV dhe gjithmonë jemi të gatshëm të ndihmojmë. UNAIDS po bën përpjekjet e nevojshme kundër stigmës dhe diskriminimit ndaj njerëzve që jetojnë me HIV/AIDS", tha Morah.

Dr. Gambo Aliyu, kreu i Programit Kombëtar për luftë të AIDS-it në Nigeri, theksoi se testimi është shumë i rëndësishëm në luftën kundër përhapjes së HIV/AIDS.

"Testimi është mënyra kryesore për të zvogëluar HIV-in. Pas testimit vijon parandalimi ose trajtimi për të parandaluar përhapjen e virusit", tha Aliyu.

Koordinatori i NEPWHAN-it, Abdulkadir Ibrahim, bëri thirrje për unitet dhe përpjekje më të mëdha për të luftuar diskriminimin dhe margjinalizimin e njerëzve që jetojnë me HIV.