Iran, 101 të vdekur nga COVID-19 gjatë 24 orëve
BKT
   Bota

Iran, 101 të vdekur nga COVID-19 gjatë 24 orëve

Numri i të shëruarve në Iran ka kaluar në mbi 1 milion.

Në Iran, 101 persona kanë humbur jetën gjatë 24 orëve të kaluara si rezultat i koronavirusit të ri (COVID-19), ndërsa janë regjistruar 6.045 raste të reja, transmeton Anadolu Agency (AA).

Zëdhënësja e Ministrisë së Shëndetësisë, Sima Sadat Lari, tha se bilanci i të infektuarve deri më tani ka arritur në 1.237.474, ndërsa numri i të vdekurve ka shkuar në 55.438.

Lari theksoi se 4.981 pacientë janë në gjendje kritike, ndërsa numri i të shëruarve ka arritur në 1.004.326.

Deri më tani, vendi ka kryer 7.723.377 teste, përfshirë 53.109 në 24 orët e kaluara.

Koronavirusi në Iran për herë të parë u shfaq në qytetin Qom më 19 shkurt.