Bora në Xhamu Kashmir vazhdon të ndikojë jetën e përditshme
Nga bora është ndikuar më së shumti qyteti Srinagar, ku për shkak të reshjeve intensive të borës rrugët janë zbardhur.
Reshjet e dëborës që po vazhdojnë që nga fundjava në rajonin Xhamu Kashmir të Indisë, vazhdojnë të ndikojnë jetën e përditshme, transmeton Anadolu Agency (AA).
Nga bora është ndikuar më së shumti qyteti Srinagar, ku për shkak të reshjeve intensive të borës rrugët janë zbardhur.
Ndërkohë qytetarët pavarësisht motit të vështirë kanë vazhduar jetën e përditshme të tyre.
Sipas njoftimit të zyrtarëve, dje reshjet e para të dëborës të këtij viti në rajonin Xhamu Kashmir, shkaktuan ndërprerje të funksionimit të autostradës 270-kilometërshe që lidh qytetet Xhamu dhe Srinagar.
Kjo është rruga e vetme që lidh Kashmirin me pjesë të tjera të vendit, ndërsa Departamenti Meteorologjik Indian ka parashikuar reshje të dëborës në të gjithë rajonin e Kashmirit, të cilat pritet të jenë edhe më intensive në vendet më të larta.
Siç bëjnë të ditur raportimet lokale, të paktën 15 persona u lënduan në aksidente të ndryshme rrugore në Xhammu Kashmir për shkak të rrugëve të rrëshqitshme.























