16:59 / 12.01.2021
Trumpi refuzon të marrë përgjegjësinë për sulmin në Kongres
Presidenti i SHBA-së, Donald Trump, ka refuzuar të marrë përgjegjësi për sulmin në Kongres që ndodhi javën e kaluar ku humbën jetën pesë persona.
Protestuesit pro-Trump në tentim për të penguar certifikimin e fitores së Joe Bidenit ishin futur në Kongres. Para sulmeve Trump vazhdimisht kishte pretenduar se fitorja i është vjedhur dhe u vlerësua se ai nxiti turmën drejt sulmit.
"Nëse e keni lexuar fjalimin tim, ajo që kam thënë ishte totalisht e përshtatshme", tha Trump raportojnë mediumet amerikane.
Ai iu referua fjalimit që mbajti para se të ndodhnin sulmet. Trump foli sot për gazetarë para se të nisej në Teksas.























