EBA regjistron numrin më të lartë të rasteve ditore me COVID-19
BKT
   Bota

EBA regjistron numrin më të lartë të rasteve ditore me COVID-19

Autoritetet shëndetësore njoftuan 3.506 raste të tjera të virusit si dhe gjashtë vdekje.

Emiratet e Bashkuara Arabe (EBA) sot kanë regjistruar rritje rekorde të rasteve ditore me koronavirus (COVID-19), ndërsa shteti i Gjirit lufton përhapjen e pandemisë, transmeton Anadolu Agency (AA).

Autoritetet shëndetësore njoftuan 3.506 raste të tjera të virusit si dhe gjashtë vdekje, njoftoi agjencia shtetërore e lajmeve WAM.

Numri i përgjithshëm tani ka arritur në 263.729 raste me 762 vdekje ndërsa 231.675 pacientë janë shëruar deri më tani.

Sipas Këshillit Suprem të EBA-së për Sigurinë Kombëtare, më shumë se 2 milionë njerëz në këtë vend kanë marrë vaksinën kundër COVID-19 deri më tani.

Abu Dhabi filloi fushatën e vaksinimit më 23 dhjetor.