Bora pushton pjesën qendrore të SHBA, tornadot “shkatërrojnë” Alabamën
BKT
   Bota

Bora pushton pjesën qendrore të SHBA, tornadot “shkatërrojnë” Alabamën

Një person humbi jetën, pasi një tornado shkatërruese goditi Alabamën natën e kaluar, duke bllokuar njerëzit në shtëpitë dhe makinat e tyre, si dhe duke shqyer çatitë nga një kishë dhe një hotel, ndërkohë që një stuhi e madhe dimri mbuloi pjesën qendrore të SHBA.

Viktima është një i ri që u godit pas shembjes së një shtëpie ndërsa tentonte të strehohej në një bodrum të Fultondale, ndërsa disa persona të tjerë u plagosën në mënyrë kritike dhe ndodhen në spital.

Kryetari i bashkisë së Fultondale, Larry Holcomb, tha se të paktën 20 persona kishin pësuar lëndime si rezultat i tornados, pesë prej të cilëve ndodhen në spital. Shefi i zjarrfikësve të qytetit tha se shumë njerëz mbetën të bllokuar në ndërtesa dhe makina.