Gjermania, Suedia e Polonia i përgjigjen Moskës, i përzënë diplomatët rusë
BKT
   Bota

Gjermania, Suedia e Polonia i përgjigjen Moskës, i përzënë diplomatët rusë

Gjermania, Suedia dhe Polonia kanë vendosur t’i përgjigjen Moskës dhe të dëbojnë diplomatët rusë pas vendimit të ngjashëm të Kremlinit në ditët e fundit për të dëbuar përfaqësuesit e tre vendeve evropiane.

Më herët, Ministria e Punëve të Jashtme e Gjermanisë njoftoi se ka urdhëruar dëbimin e një anëtari të stafit të Ambasadës së Rusisë në Berlin, në përputhje me Konventën e Vjenës për marrëdhëniet diplomatike, njofton oranews.

“Me këtë hap, Qeveria Federale i përgjigjet një vendimi të Federatës Ruse të së premtes, 5 shkurt 2021″, thuhet në njoftimin e ministrisë gjermane.

Javën e kaluar, Rusia dëboi disa diplomatë të vendeve të Bashkimit Evropian (BE), përfshirë një anëtar të stafit të Ambasadës së Gjermanisë në Moskë, për shkak të mbështetjes së tyre të tubimeve të organizuara në përkrahje të politikanit rus të opozitës, Alexei Navalny.