Aktivistja polake për të drejtat e abortit në gjykatë
BKT
   Bota

Aktivistja polake për të drejtat e abortit në gjykatë

Një grua, e cila ka qenë e përfshirë në organizimin e demonstratave gjigante për të drejtat e abortit në Poloni është sjellë para drejtësisë.

Ajo akuzohet për organizimin e tubimeve në shkelje të rregullave të kontrollit të infeksionit, fyerjen e policisë dhe shprehjen e mbështetjes për sulmet ndaj kishave.

Marta Lempart ka qenë një nga organizatoret e protestave, që janë zhvilluar në të gjithë Poloninë, për ligjin e abortit në vend dhe kundër qeverisë konservatore, njofton Hbl, transmeton RTKLive.

Demonstratat morën vrull kur Gjykata Kushtetuese Polake, në tetor, vendosi të ndalojë të gjitha abortet, përveç në shtatzënitë që kanë lindur si rezultat i përdhunimit, inçestit ose kur shëndeti i gruas gjykohet se është në rrezik.

“Ajo mund të përballet me deri në tetë vjet burg”, thotë Aleksandra Skrzyniarz, zëdhënëse e dhomës së akuzës, që po merret me çështjen.

Lempart mohon akuzat dhe ka refuzuar të komentojë çështjen./RTKLive