Johnson zhvillon bisedë telefonike me homologun e tij libian, Dbeibah
BKT
   Bota

Johnson zhvillon bisedë telefonike me homologun e tij libian, Dbeibah

Sipas një deklarate nga Zyra e kryeministrit britanik thuhet se Johnson në bisedë uroi Dbeibah për detyrën e re dhe përsëriti mbështetjen që Britania jep për procesin politik në Libi.

Kryeministri i Britanisë së Madhe, Boris Johnson zhvilloi bisedë telefonike me kryeministrin e Libisë, Abdul Hamid Mohammed Dbeibah.

Sipas një deklarate nga Zyra e kryeministrit britanik thuhet se Johnson në bisedë uroi Dbeibah për detyrën e re dhe përsëriti mbështetjen që Britania jep për procesin politik në Libi.

Johnson ofroi mbështetjen e tij për administratën që përpiqet të zbatojë marrëveshjen e armëpushimit që ka hyrë në fuqi në tetor 2020 dhe që punon të përmirësojë shërbimet publike dhe administratën.

Ndërsa Dbeibah ka shprehur qëllimin e tij për të bashkuar libianët dhe për të stabilizuar vendin si dhe ka thënë se ka mirëpritur ndihmat e mundshme të Britanisë dhe komunitetit ndërkombëtar në këto përpjekje.

Johnson dhe Dbeibah u dakorduan për vazhdimin e kontakteve të ngushta.

Si rezultat i votimit nga anëtarët e Forumit Libian për Dialog Politik që u mblodhën me 5 shkurt nën kryesimin e OKB-së në Zvicër, Mohammad Younes Menfi u zgjodh në krye të Këshillit Presidencial në Libi ndërsa Abdul Hamid Mohammed Dbeibah në detyrën e kryeministrit të cilët do të kryejnë këto detyra deri në zgjedhjet që janë paraparë të mbahen në vend më 24 dhjetor 2021.