Afrika në alarm nga shpërthimi i Ebolas
Katër persona kanë vdekur nga Ebola në Guinenë Juglindore, sipas Ministrisë së Shëndetësisë të këtij vendi.
Është shpërthimi i parë pas pesë vjetësh Afrikën Perëndimore. Autoritetet thonë se ata janë thellësisht të shqetësuar, njofton Hbl, transmeton RTKLive.
Më 1 shkurt, një infermiere e infektuar me Ebola u varros dhe tetë persona të tjerë të pranishëm në funeral kishin simptoma të tilla, si diarre, të vjella dhe gjakderdhje.
Tre prej tyre që nga ajo kohë kanë vdekur dhe katër janë duke u kujdesur në spital, sipas Ministrisë së Shëndetësisë.
Kreu i Organizatës Botërore të Shëndetësisë, Tedros Adhanom Ghebreyesus, njofton se organizata ka marrë informacion në lidhje me dy raste të dyshuara të Ebolas në Guinea dhe se rezultatet e provave konfirmuese janë duke u zhvilluar.
Gjatë epidemisë së Ebola në 2013–2016, 11,300 njerëz vdiqën në rajon.
Kongo-Kinshasa në Afrikën Qendrore ka luftuar që nga ajo kohë me disa shpërthime të reja të sëmundjes ngjitëse virale.
Të enjten, OBSH konfirmoi se një tjetër shpërthim po ndodhte, vetëm tre muaj pasi shpërthimi i fundit i Ebola në Kongo-Kinshasa u shpall i mbaruar.
Sipas OBSH, mesatarisht, rreth gjysma e të infektuarve vdesin, ndërkohë që përqindja e vdekjeve në shpërthimet e fundit ka ndryshuar midis 25 dhe 90 për qind./RTKLive























