Moti i ftohtë në Teksas ka arritur në minus 18 gradë
BKT
   Bota

Moti i ftohtë në Teksas ka arritur në minus 18 gradë

Gati 12 milionë njerëzve në Teksas iu është thënë të vlojnë ujin e çezmës përpara se ta konsumojnë, pasi një stuhi vdekjeprurëse e dimrit shkaktoi ndërprerje të energjisë në impiantet e trajtimit.

Sipas BBC, përcjell Telegrafi, stuhia e madhe që përfshiu jugun e SHBA-së ka lënë të vdekur gati 50 persona dhe ka lënë miliona njerëz pa energji elektrike.

Teksasi është përballur me ndërprerje të përhapura të energjisë.

Temperaturat e ulëta gjithashtu kanë shkaktuar plasaritjen e tubave të ujit, pavarësisht përpjekjeve të disa pronarëve të shtëpisë për t’i izoluar ato nga të ftohti duke përdorur batanije.

Rrjeti energjetik i shtetit është mbingarkuar nga një rritje e kërkesës derisa njerëzit përpiqen të ngrohen në disa nga temperaturat më të ftohta atje në më shumë se 30 vjet – duke arritur në minus 18 gradë Celsius në fillim të kësaj jave.

Mbi 13 milionë njerëz – afër gjysma e popullsisë së shtetit – janë përballur me disa ndërprerje të shërbimeve të ujit.