Ekuador, rritet numri i të vdekurve pas grindjeve në burg
Numri i të vdekurve pas trazirave dhe përpjekjeve të brendshme për pushtet midis të burgosurve në katër burgje në Ekuador rritet në të paktën 79, njoftuan autoritetet e burgut.
Trazirat e bandave ishin më të ashprat në institucionin Cuenca në provincën Azuay, por burgu i sigurisë Guayaquil u godit gjithashtu nga dhuna vdekjeprurëse, njofton Hbl, transmeton RTKLive.
Policia dhe ushtria janë vendosur jashtë burgjeve në Guayaquil, Cuenca dhe Latacunga, ku dhuna e re ka shpërthyer midis bandave. Shumë ishin të armatosur me armë të ftohta.
Sherri i atribuohet një lufte për pushtet brenda sistemit të burgjeve në vend.
Lufta shpërtheu pasi kreu i grupit më të fuqishëm në atë kohë, Los Choneros, u vra në një qendër tregtare në dhjetor, pasi vuajti dënimin.
Të gjithë ata që u vranë në trazirat ishin të burgosur, sipas autoritetit të burgut SNAI.
Situata në institucione u konsiderua nën kontroll.
Presidenti Lenín Moreno shpalli gjendjen e jashtëzakonshme në burgjet e vendit në 2019, pas disa përplasjeve të ashpra.
Ekuadori ka rreth 38,000 të burgosur në një vend me rreth 17 milion banorë./RTKLive























