13:55 / 08.03.2021
Një njeri u arrestua për ndihmën e grupit terrorist në Paris
Një algjerian, i dyshuar si mbështetës i IS, është arrestuar në Bari të Italisë.
Ai akuzohet se ka dhënë mbështetje të drejtpërdrejtë për autorët e akteve ekstremiste që në vitin 2015 morën 130 jetë njerëzish që tronditën Francën, njofton Hbl, transmeton RTKLive.
Personi i moshës 36-vjeçare dyshohet se ka siguruar ekstremistët, të cilët ishin të pajisur me armë zjarri dhe eksplozivë, si dhe me dokumente të falsifikuara.
Ata sulmuan sallën e koncerteve Bataclan, restorantet dhe zonën përreth arenës sportive Stade de France, një akt që tronditi të gjithë botën.
Hetuesit besojnë se burri i arrestuar ishte pjesë e një celule të IS me dy vëllezërit e tij, të cilët ishin aktivë në Francë dhe Belgjikë, sipas mediave italiane./RTKLive























