Laskër turshi me kripë

Laskër turshi me kripë

Përgatitja e turshisë me lakër të bardhë.

Turshitë janë një traditë e vjetër e amvisave shqiptare.

Përgatitja e tyre fillon që në muajt e parë të vjeshtës për të vijuar deri në ato të dimrit.

Turshitë përveç se janë plot shije, kanë dhe shumë vlera për organizmin.

Në rastin e turshisë së lakrës, mënyrat për ta përgatitur janë të shumta.

Përbërësit

2 lakra të bardha

5 – 6 lugë gjelle kripë e zezë

Ujë

Përgatitja e turshisë me lakër të bardhë

Si fillim duhen pastruar lakrat e më pas me një thikë të mprehtë priteni në copa.

Mjafton që ta ndani në gjashtë apo shtatë pjesë dhe do të keni madhësinë e duhur për përgatitjen e këtyre turshive.

Më pas merrni një enë të madhe plastike dhe vendosni disa copa lakre sa sipërfaqja e fundit e enës.

Hidhini sipër kripë të zezë në formë spërkatjeje.

Më pas shtroni disa copa të tjera lakre e spërkatini me kripë.

Këto hapa t’i ndiqni derisa të keni shtruar të gjithë pjesët e lakrës.

Në fund mbulojeni sipërfaqen e enës me gjethet që hoqët në fillim dhe spërkateni përsëri me kripë të zezë.

Mbi lakrën vendosni një pjatë të sheshtë e sipër saj një gur ose diçka te rëndë. Më pas mbylleni me kapak. Pesha e pjatës do të mundësoj që lakra të lëshohet dhe të përthithë kripën me të cilën e keni spërkatur.

Lakra lihet në kripë përreth një ditë të plotë. Pasi të kenë kaluar 24 orë, hapeni enën plastike dhe duhet të shtoni ujë të vakët derisa lakrat në enë të jenë mbuluar plotësisht.

Kjo metodë shkurton kohën që duhet për përgatitjen e lakrës turshi. Enën mbulojeni përsëri me kapak dhe vendoseni në një vend të freskët.

Kur të ketë kaluar një javë, lakra turshi do të jetë gati për t’u servirur.

Për ta ruajtur mjafton që ta kaloni në kavanozë qelqi bashkë me lëngun e saj dhe ta vendosni në frigorifer.