Një vullkan shpërthen afër kryeqytetit të Islandës
BKT
   Bota

Një vullkan shpërthen afër kryeqytetit të Islandës

Një vullkan ka shpërthyer në jugperëndim të kryeqytetit të Islandës, Reykjavik, ka bërë të ditur zyra meteorologjike e shtetit.

Sipas kësaj zyre, plasaritja si pasojë e vullkanit ka shkuar deri në 700 metra largësi ndërkohë që shpërthimi i fundit vullkanik në këtë pjesë të Islandës kishte ndodhur para 800 vjetësh.

Islanda ka shënuar më shumë se 40.000 tërmete në tri javët e fundit ndërkaq në vitin 2010 shpërthimi i një vullkani tjetër kishte shkaktuar ndalimin e trafikut ajror nëpër Evropë, raporton BBC.

Mirëpo, shpërthimi i këtij vullkani nuk pritet të shkaktojë pasoja të ngjashme.

Helikopteri i rojës bregdetare është dërguar rreth 30 kilometra afër Reykajvikut për të analizuar zonën.