NATO rikonfirmon unitetin, përpiqet të lërë pas epokën Trump
BKT
   Bota

NATO rikonfirmon unitetin, përpiqet të lërë pas epokën Trump

Ministrat e jashtëm të NATO-s riafirmuan angazhimin e tyre sot për t`u mbrojtur nga sulmet e jashtme dhe theksuan forcën e marrëdhënieve midis Amerikës së Veriut dhe Evropës, pas katër vjet dyshimi dhe shqetësimi nga disa aleatë gjatë administrimit të ish-presidentit të SHBA-së Donald Trump.

"Tani po hapim një kapitull të ri në marrëdhëniet tona transatlantike," u tha gazetarëve sekretari i Përgjithshëm i NATO-s Jens Stoltenberg në fillim të takimit dy-ditor ministror.

Stoltenberg falënderoi presidentin e SHBA-së Joseph Biden për zotimin për "rinovimin e forcës së aleancës".

"Ne po takohemi në Bruksel për të riafirmuar një lidhje të qëndrueshme transatlantike midis Evropës dhe Amerikës së Veriut, me NATO-n në zemër", thanë ministrat në një deklaratë të përbashkët që synonte të kthente një faqe të re pas epokës së Trump.

Ministrat, përfshirë sekretarin e Shtetit Anthony Blinken, gjithashtu u zotuan të respektojnë klauzolën e mbrojtjes kolektive - Nenin 5 të traktatit themelues të NATO-s, sipas të cilit një sulm ndaj një aleati do të konsiderohej një sulm ndaj të gjithë atyre.

Shefat e diplomacive thanë se NATO po përballej me "kërcënime në rritje dhe konkurrencë sistematike" dhe se "veprimet agresive të Rusisë paraqesin një kërcënim për sigurinë euro-atlantike".