SHBA, të burgosurit gjatë tentimit të arratisjes vranë dy nëpunës të burgut
BKT
   Bota

SHBA, të burgosurit gjatë tentimit të arratisjes vranë dy nëpunës të burgut

Inspektori për raste të vrasjes në shtetin federal të Iowa-s, Richard Rahn, njoftoi se incidenti ndodhi në burgun e qytetit Anamosa.

Në Shtetet e Bashkuara të Amerikës, dy të burgosur gjatë tentimit për arratisje vranë dy nëpunës të burgut.

Inspektori për raste të vrasjes në shtetin federal të Iowa-s, Richard Rahn, njoftoi se incidenti ndodhi në burgun e qytetit Anamosa.

Ai tha se 28-vjeçari Michael Dutcher dhe 39-vjeçari Thomas Woodard tentuan të arratisen nga burgu dhe me çekan vranë infermieren Lorena Schulte (50) dhe nëpunësin Robert McFarland të cilët tentuan të parandalojnë tentativën e arratisjes.

"Të burgosurit rrëmbyen një nëpunës teksa përpiqeshin të arratisen, por u plagosën dhe u parandaluan të largoheshin nga kompleksi i burgut", tha Rahn.

Drejtori i Entit ndëshkimor përmirësues paralajmëroi se do të kryhet një hetim i hollësishëm mbi incidentin, përfshirë një hetim mbi lëshimet e mundshme nga rojet e burgut dhe nëpunësit.

Të burgosurit janë kthyer në qeli, ndërsa kundër tyre është ngritur aktakuzë e re për vrasje të dyfishtë dhe rrëmbim. Ata mund të përballen me dënim të përjetshëm me burg në shtetin e Iowa-s në të cilin nuk ka dënim me vdekje.