Finlandë, 420 raste të reja me covid, 4 raste të vdekjes
Sipas Instituti Kombëtar i Shëndetit dhe Mirëqenies (THL), 420 infeksione të reja koronare janë diagnostikuar në Finlandë.
Megjithatë, bëhet e ditur se numri i infeksioneve të reja është në rënie, ndërkohë që në dy javët e fundit janë diagnostikuar, 8,868 infeksione të reja, që është 505 më pak se në dy javët e mëparshme.
Shkalla e incidencës së sëmundjes ka rënë në 160 infeksione për njëqind mijë banorë, nga pak më shumë se 169 në javët e mëparshme.
Gjithsej 76,845 infeksione janë diagnostikuar tani në të gjithë pandeminë.
Katër vdekje të reja të lidhura me korona janë raportuar në krahasim me dje, duke arritur numrin në 826 vdekje.
Ndërkaq sipas THL, rreth 860,000 njerëz kanë marrë dozën e parë të vaksinës së koronavirusit, duke arritur në shkallën e vaksinimit në 15.5% për dozën e parë, ndërsa për dozën e dytë, është 1.6% e vaksinimit të popullsisë./RTKLive























