11:56 / 15.04.2021
Dhuna dhe kaosi bëjnë që qeveria e Haitit të dorëhiqet
Qeveria haitiane po jep dorëheqjen në dritën e situatës kaotike të sigurisë në vend.
Kriza ekonomike dhe politike në vendin e varfër ka çuar në një rritje të ndjeshme të rrëmbimeve dhe vrasjeve, ndërsa bandat kanë marrë nën kontroll pjesët e kryeqytetit Port-au-Prince, njofton Aftonbladet, transmeton RTKLive.
Disa ditë më parë, pesë priftërinj dhe dy murgesha u rrëmbyen nga një bandë kriminale në Croix-des-Bouquets, vetëm në lindje të kryeqytetit.
Incidenti tërhoqi një vëmendje të madhe dhe bëri që Kisha Katolike në vend të përshkruante Haitin si "të fundosur në ferr".
Ish-ministri i Jashtëm, Claude Joseph, do të marrë detyrën e kryeministrit të qeverisë së ardhshme të vendit, njoftoi Presidenti Jovenel Moïse./RTKLive























