Të paktën nëntë të vdekur në një aksident me teleferik në Itali
BKT
   Bota

Të paktën nëntë të vdekur në një aksident me teleferik në Itali

Të paktën nëntë njerëz kanë vdekur sot dhe dy fëmijë u plagosën kur u rrëzua një teleferik që lidh qytetin e Stresit, në brigjet e liqenit Maggiore dhe malin Motarone, në rajonin e Piemonte në veri të Italisë.

Agjencia ANSA deklaron se në kohën e aksidentit, ishin 11 pasagjerë në kabinën e teleferikut dhe se fëmijët e plagosur u transferuan me helikopter në spitalin e Torinos.

Sipas shërbimit të shpëtimit, teleferiku ishte në një lartësi të madhe në kohën e rënies, raporton AP.

Teleferiku Stresa Motarone transporton turistë dhe vendas nga qyteti i famshëm i Stresit në brigjet e liqenit Maggiore, në majë të malit Motarone në një lartësi prej gati 1.400 kilometra në 20 minuta, sipas Reuters.