Sulm me armë në SHBA, qëllon kalimtarët ndërsa ecën me makinë
BKT
   Bota

Sulm me armë në SHBA, qëllon kalimtarët ndërsa ecën me makinë

Një sulm me armë në lagjet periferike të Phoenix ka shkaktuar 1 të vdekur dhe 12 të plagosur si dhe panik te banorët e zonës.

Policia e Surprize në Arizona konfirmon se një person që udhëtonte me një makinë qëlloi me armë ndaj kalimtarëve përpara se të ndalohej nga autoritetet.

Të shtënat u regjistruan në 8 vende të ndryshme përgjatë 90 minutave dhe nga sa mësohet autori qëlloi ndaj kalimtarëve në mënyrë të rastësishme.

“Nuk e dimë shkakun dhe nuk kemi asnjë motiv apo ide se çfarë e shtyu autorin të bënte këtë gjë”, u shpreh zyrtari i policisë, Brandon Sheffert.