Pas 20 vitesh, Italia tërheq trupat ushtarakë nga Afganistani
BKT
   Bota

Pas 20 vitesh, Italia tërheq trupat ushtarakë nga Afganistani

Italia, një nga vendet perëndimore që kishte dërguar trupa ushtarakë në Afganistan, ka njoftuar tërheqjen e tyre.

“Natën e kaluar, misioni i Italisë në Afganistan përfundoi zyrtarisht,” tha Ministri i Mbrojtjes Lorenzo Guerini.

“Por angazhimi i ndërkombëtarëve dhe Italisë, për Afganistanin nuk do të përfundojë këtu.”  Ai do të vazhdojë në forma të tjera, nga forcimi i bashkëpunimit për zhvillim deri te mbështetja e strukturave politike Afgane. ”

Sipas Ministrisë Italiane të Mbrojtjes, 723 ushtarë italianë u plagosën dhe 53 u vranë në 20 vitet e fundit në Afganistan nga gjithsej 50,000 trupa të dërguar në vend. Italia, së bashku me SHBA-në, Turqinë, Britaninë dhe Gjermaninë janë vendet që kanë dërguar më shumë trupa në Afganistan si pjesë e misionit të NATO-s.

Pas 20 vitesh, NATO njoftoi në 29 Prill se do të tërhiqte trupat ushtarakë nga Afganistani.