Kina evakuon 210 shtetas të saj nga Afganistani
BKT
   Bota

Kina evakuon 210 shtetas të saj nga Afganistani

Kina ka evakuuar 210 shtetas të saj nga Afganistani, ku trupat amerikane janë gati të përfundojnë procesin e tërheqjes.

Kina ka evakuuar 210 shtetas të saj nga Afganistani, ku trupat amerikane janë gati të përfundojnë procesin e tërheqjes.

Sipas lajmit të gazetës "Global Times" një nga organet zyrtare të Partisë Komuniste të Kinës, avioni që i përkiste Xiamen Airlines u ngrit nga kryeqyteti i Afganistanit, Kabul më 2 korrik dhe u ul në qytetin e Wuhanit në provincën Hubey të Kinës.

Linja ajrore në faqen e rrjeteve sociale kineze Weibo konfirmoi se 210 shtetas u evakuuan nga Afganistani në fluturimin e 2 korrikut.

Bëhet e ditur se 52 personat në avion gjithashtu kanë rezultuar pozitivë me koronavirusin e ri (COVID-19).

Kina u bën thirrje qytetarëve të saj "të largohen nga vendi"

Kina më 21 qershor u bëri thirrje qytetarëve të saj të largohen nga vendi për shkak të shqetësimeve në lidhje me përshkallëzimin e dhunës në Afganistan.

Administrata amerikane arriti një marrëveshje me talebanët më 29 shkurt 2020 dhe më 1 maj 2021 ra dakord të tërhiqej plotësisht nga Afganistani.

Nga ana tjetër, administrata e Joe Bidenit njoftoi se deri më 11 shtator do të tërhiqen plotësisht nga Afganistani.

Presidenti i SHBA-së, Biden deklaroi se misioni i ushtrisë amerikane në Afganistan do të përfundojë më 31 gusht.

Vazhdon dhuna në vend

Përderisa procesi i paqes në Afganistan mbetet i pasigurt, vazhdojnë përplasjet e dhunshme midis forcave të sigurisë dhe talebanëve.

Në sulmet e filluara në javën e fundit të qershorit, talebanët morën pothuajse të gjitha rrethet në kufirin me Uzbekistanin dhe Taxhikistanin. Talebanët, të cilët rrethuan portën kufitare Hayratan, rruga më e rëndësishme tregtare për në Uzbekistan, nga dy drejtimet dhe u përqendruan në provincën Gazni në jugperëndim të vendit.

Talebanët rritën presionin e tyre me sulme të dhunshme në provincat: Badakhshan, Tahar, Ghazni, Herat dhe në Wardak.

Sipas informatave të marra nga AA nga autoritetet lokale, mësohet se talebanët kanë marrë më shumë se 150 nga 407 rrethe, përfshirë edhe qendrat e tyre. Nga ana tjetër, talebanët deklaruan se numri i qendrave të rretheve nën kontrollin e tyre është mbi 200.

Talebanët ende nuk kanë kryer sulme që synojnë qendrat provinciale.