Islanda kërkon test negativ për udhëtarët e vaksinuar
BKT
   Bota

Islanda kërkon test negativ për udhëtarët e vaksinuar

Islanda, një nga vendet e para në botë që hoqi kontrollet e saj shëndetësore për udhëtarët e vaksinuar, do të rivendosë kërkesën për një test negativ për shkak të rritjes së rasteve COVID-19, njoftoi sot qeveria.

Me një shkallë shumë të lartë të vaksinimeve dhe rezultate të mira që nga fillimi i pandemisë, ekzekutivi islandez hoqi, gjithashtu, të gjitha kufizimet e tij të brendshme në fund të qershorit.

Udhëtarët që mbërrinin nga jashtë mbetën subjekt i kontrolleve, por mjaftonte një certifikatë vaksinimi të plotë ose dëshmi e imunizimit nga COVID-19 për të hyrë sërish në vend, pa ndonjë formë tjetër kontrolli që nga fundi i marsit.

“Tani, edhe këtyre udhëtarëve do t’u duhet të paraqesin një test negativ PCR ose antigjeni më pak se 72 orë pas mbërritjes, pavarësisht nga vendi i tyre i banimit”, njoftoi Ministria e Shëndetësisë në një deklaratë.