15:12 / 04.08.2021
Mbingarkohet Pediatria e QKUK-së, për një javë u trajtuan 1163 fëmijë
Klinika e Pediatrisë e Qendrës Klinike Universitare të Kosovës është mbingarkuar me fëmijë që po kërkojnë trajtim ambulator dhe spitalor.
Kështu thuhet në njoftimin e Shërbimit Spitalor dhe Universitar të Kosovës.
SHSKUK-ja ka bërë të ditur se, sipas raportit javor të kësaj klinike, për një jave janë trajtuar 1163 fëmijë.
“Nga numri i përgjithshëm i rasteve, 785 kanë qenë vizita më kuadër të Emergjencës Pediatrike, kurse 378 vizita në ambulancat specialistike. Brenda javës për trajtim spitalor janë pranuar 206 fëmijë”, thuhet në njoftim.
Sipas SHSKUK-së, gjatë muajit korrik Klinika ka trajtuar 3712 raste, duke përfshirë 2409 vizita në Emergjencën Pediatrike, 1303 vizita në ambulancat specialistike.























