Talibanët hyjnë në Kabul, diplomatët amerikanë evakohen me helikopter
BKT
   Bota

Talibanët hyjnë në Kabul, diplomatët amerikanë evakohen me helikopter

Kryengritësit talebanë hynë të dielën në kryeqytetin afgan, Kabul, tha një zyrtar i ministrisë së Brendshme, ndërsa Shtetet e Bashkuara evakuuan diplomatët nga ambasada e tyre me helikopter.

Zyrtari i lartë i tha Reuters-it se talebanët po vinin “nga të gjitha anët”, por nuk dha detaje të tjera.

Përmes një postimi në Tëitter nga llogaria zyrtare e Pallatit Presidencial, u tha se të shtënat ishin sporadike në disa zona të Kabulit, por se forcat e sigurisë, në koordinim me partnerët ndërkombëtarë, kishin gjithçka nën kontroll. 

Më pas, talibanët lëshuan një deklaratë për të thënë se kanë urdhëruar luftëtarët e tyre të qëndrojnë në pikat e hyrjes në kryeqytet.

Deklarata thotë aktualisht siguria e qytetit dhe njerëzve mbetet përgjegjësi e qeverisë dhe se po vazhdojnë bisedimet për transferimin paqësor të pushtetit.

Deklarata u kërkon afganëve të qëndrojnë në vend dhe këmbëngul se talebanët duan njerëz “nga të gjitha sferat e jetës, për ta parë veten në një sistem të ardhshëm islamik me një qeveri të përgjegjshme që i shërben dhe është e pranueshme për të gjithë”.

Megjithatë, raportet nga Kabuli thonë se janë dëgjuar të shtëna me armë dhe militantët talebanë duke lëvizur rrugëve të kryeqytetit afgan.

Ndërsa, videot e luftëtarëve talibanë duke parakaluar me kamionë në rrugët e Jalalabad pasi morën qytetin tashmë janë shpërndarë në masë të madhe. 

Talibanët janë gati për të rimarrë kontrollin e plotë të Afganistanit, me kryeqytetin Kabul gjithashtu të rrethuar nga militantët.