11:57 / 18.08.2021
Britania i dhuron Kenias 407 mijë doza të vaksinës kundër COVID-19
Vaksinat e dhuruara nga Mbretëria e Bashkuar iu dorëzuan autoriteteve keniane në Aeroportin Ndërkombëtar "Jomo Kenyatta" në Nairobi.
Kenia ka marrë 407 mijë doza të vaksinës kundër koronavirusit të ri (COVID-19) të zhvilluar nga Universiteti i Oksfordit në Britani me kompaninë farmaceutike AstraZeneca.
Vaksinat e dhuruara nga Mbretëria e Bashkuar iu dorëzuan autoriteteve keniane në Aeroportin Ndërkombëtar "Jomo Kenyatta" në Nairobi.
Dr. Patrick Amoth nga Ministria e Shëndetësisë tha se i kanë pranuar 407 mijë doza të vaksinës kundër COVID-19.
Ai tha se në kuadër të luftës kundër COVID-19 do të sigurojnë afërsisht 4 milionë doza të vaksinës në javët e ardhshme.























