Vritet gazetari meksikan, i gjashti brenda këtij viti
Një gazetar meksikan ka humbur jetën pasi u qëllua të enjten nga persona të armatosur, sipas një deklaratë të departamentit të shtetit për sigurinë publike.
Jasinto Romero Flores, 60 vjeç, i cili punonte në stacionin Ori Estereo FM, ndodhej në Potrerigio në komunitetin Ixtakokitlan në momentin që u qëllua.
Ndërkohë vazhdojnë hetimet për zbardhjen e ngjarjes dhe kapjen e autorit. Sipas informacioneve paraprake, gazetari tha se kishte marrë kërcënime gjatë kohëve të fundit. Të paktën gjashtë gazetarë janë vrarë deri më tani në 2021 në Meksikë.
Autoritetet nuk e kanë përcaktuar ende nëse ata ishin vrarë për shkak të punës së tyre. Meksika është një nga vendet më të rrezikshme në botë për punonjësit e medias. Më shumë se njëqind gazetarë janë vrarë që nga viti 2000, sipas shifrave të Komisionit Meksikan për të Drejtat e Njeriut.























