15:33 / 21.08.2021
Biden paralajmëron për humbje të jetëve gjatë evakuimeve nga Kabuli
Presidenti amerikan, Joe Biden, e ka pranuar se evakuimi masiv nga Afganistani “nuk është proces pa rrezik të humbjes së jetëve”.
Duke folur nga Shtëpia e Bardhë, Biden ka thënë se Shtetet e Bashkuara kanë shpëtuar 13,000 persona, “në disa prej evakuimeve më të vështira në histori”.
Mirëpo sugjerimi i presidentit, se evakuuesit amerikanë nuk janë duke u penguar nga talibanët, ka qenë në kundërshtim me deklaratat e zyrtarëve amerikanë për mbrojtje.
“Secili amerikan që dëshiron të kthehet në shtëpi, do ta kthejmë në shtëpi”, ka thënë Biden, i cili ka ndërprerë pushimin e tij për t’u deklaruar rreth krizës.























