Japonia i ofron 300 mln $ hua Irakut për të zgjeruar rafineritë e naftës
Ministri i Jashtëm japonez, Toshimitsu Motegi, si pjesë e turneut të tij në Lindjen e Mesme u takua me homologun e tij irakian, Fuad Hussein në Bagdad.
Japonia do të japë për Irakun një hua prej 300 milionë dollarësh për zgjerimin e rafinerive të naftës.
Ministri i Jashtëm japonez, Toshimitsu Motegi, si pjesë e turneut të tij në Lindjen e Mesme u takua me homologun e tij irakian, Fuad Hussein në Bagdad.
Sipas agjencisë Kyodo, Motegi dhe Hussein diskutuan mbi zhvillimet rajonale, duke përfshirë marrëdhëniet dypalëshe, si dhe situatën e fundit politike në Afganistan.
Gjatë takimit ku u bisedua rreth zhvillimit të marrëdhënieve dypalëshe ekonomike, u vendos që Japonia të japë një hua prej 300 milionë dollarësh Irakut për zgjerimin e rafinerive të naftës në rajonin e Basrës.
Gjatë vizitës së tij në Irak, Motegi u prit gjithashtu nga presidenti irakian, Barham Saleh dhe kryeministri i vendit, Mustafa Al-Kadhimi.























