Nisin bisedimet me talibanët për zgjatjen e afatit pas 31 gushtit
Udhëheqësit e G7 duhet të koordinojnë përpjekjet e evakuimit nga aeroporti i Kabulit dhe të marrin parasysh nëse evakuimet duhet të vazhdojnë përtej afatit të përcaktuar nga Shtetet e Bashkuara, tha ministri i Jashtëm gjerman Heiko Maas.
Maas u tha gazetarëve se bisedimet kishin filluar midis Gjermanisë, SHBA-së, Turqisë dhe talibanëve me qëllim të "lehtësimit të një operacioni civil në aeroportin e Kabulit për të lejuar evakuimin e njerëzve pas 31 gushtit".
Situata në aeroport është bërë më kaotike, tha Maas, pasi një përplasje shpërtheu të hënën midis njerëzve të armatosur të panjohur, forcave perëndimore të sigurisë dhe rojeve afgane në hyrjen veriore, duke rezultuar në vdekjen e një ushtari afgan.
Talibanët kishin përjashtuar më herët mundësinë e mbetjes së trupave perëndimore pas 31 gushtit dhe zëdhënësi Suhail Shaheen paralajmëroi për "pasoja" nëse SHBA shtyn tërheqjen e forcave të saj.























