19:05 / 27.08.2021
Shkon në 79 numri i afganëve të vrarë nga sulmi në Kabul
Numri i afganëve të vrarë në një sulm vetëvrasës me bombë në aeroportin e Kabulit ka shkuar në 79, tha një zyrtar i spitalit për agjencinë e lajmeve Reuters.
Më shumë se 120 njerëz u plagosën, disa janë ende në spital, por shumë janë kthyer në shtëpi, tha zyrtari.
Forcat amerikane që ndihmojnë në evakuimin e afganëve të dëshpëruar për të ikur nga sundimi i ri taleban janë në gatishmëri të premten pas sulmit të Shtetit Islamik, i cili vrau gjithashtu 13 pjesëtarë të shërbimit amerikan.























