Kolumbi, 13 të plagosur nga shpërthimi në një stacion policor
Policia tha se shpërthimi u shkaktua nga "kriminelët" të cilët lanë një pajisje shpërthyese të improvizuar (IED) në stacionin, i cili ndodhet pranë kufirit të Kolumbisë me Venezuelën.
Një shpërthim herët të hënën ndodhi në një stacion policie në Cucuta, Kolumbi, ku la të paktën 13 persona të plagosur, theksuan zyrtarët, raporton Anadolu Agency.
Policia tha se shpërthimi u shkaktua nga "kriminelët" të cilët lanë një pajisje shpërthyese të improvizuar (IED) në stacion, i cili ndodhet pranë kufirit të Kolumbisë me Venezuelën.
"Kriminelët lanë një mjet shpërthyes të improvizuar nën një nga karriget e mobileve të rrugës", tha komandanti i Policisë Metropolitane të Cucuta, gjeneral Oscar Moreno.
Moreno tha se incidenti ndodhi gjatë ndërrimit të personelit. Ai nuk fajësoi asnjë grup të veçantë kriminal për sulmin.
Disa organizata kriminale veprojnë në Cucuta pasi qyteti është në kufirin midis Kolumbisë dhe Venezuelës, një zonë që është përdorur prej kohësh për trafik droge dhe aktivitete tjera të paligjshme.
Ky po ashtu nuk është shpërthimi i parë në Cucuta këtë vit.
Në qershor, një autobombë në një bazë ushtarake në Cucuta plagosi 44 persona, përfshirë ushtarë amerikanë që ishin atje për të trajnuar personelin ushtarak kolumbian.























