12:21 / 16.09.2021
Të paktën 50 të vdekur në luftimet në Jemen
Të paktën 50 persona janë vrarë në luftimet në mes milicisë Huthi dhe forcat pro-qeveritare të Jemenit.
Në mesin e të vdekurve është një zyrtar i lartë ushtarak, bëhet e ditur sipas një zëdhënësi ushtarak.
Luftimet mes forcave pro-qeveritare dhe milicisë Huthi thuhet se kanë ndodhur në provincën al-Bayda, në Jemenin qendror, njoftojnë mediet skandinave.
Lufta në Jemen po vazhdon që nga viti 2014, ku janë vrarë dhjetëra mijëra njerëz.
Rreth 3.3 milion njerëz janë detyruar të largohen.
OKB-ja shpesh e ka përshkruar situatën në vend si krizën më të keqe humanitare në botë./RTKLive























