11:00 / 24.09.2021
Pesë të vdekur nga stuhia në malin më të lartë të Evropës
Pesë persona kanë vdekur teksa përpiqeshin të ngjiteshin në malin Elbrus, në Rusi.
Grupi i përbërë nga 19 persona, nga të cilët katër ishin alpinistë profesionistë, të cilët ishin në një lartësi prej 5.000 metrash kur sakaq moti u shndërrua në një stuhi dëbore, njoftojnë mediet skandinave.
Një person filloi të mos ndihej mirë dhe u kthye me një udhëzues dhe gjatë rrugës vdiq.
Katër persona të tjerë vdiqën kur ishin duke zbritur, ndërkohë që stuhia e borës sa vinte e rritej.
Disa nga grupi, të lënduar me plagë të lehta të shkaktuar nga stuhia e të ftohtit, po trajtohen në spital./RTKLive























