Austri, dy emigrantë nga Siria gjenden të vdekur brenda një kamioni
BKT
   Bota

Austri, dy emigrantë nga Siria gjenden të vdekur brenda një kamioni

Dy refugjatë janë gjetur të vdekur brenda një kamioni në Austri. Policia i zbuloi 30 refugjatë brenda hapësirës së vogël në Burgenland.

Shoferi i kamionit ka ikur në këmbë dhe po kërkohet nga autoritetet, raporton Kurier.at.

Hetimeve paraprake të autoriteteve austriake të gjithë refugjatët e gjetur në fugon ishin burra nga Siria.

Austria, ka pasur një fluks të emigrantëve në kufijtë e saj lindorë dhe jugorë.

Për këtë shkak ky shtet i ka rritur kontrollet në korrik.

Sipas policisë 250 kontrabandistë janë arrestuar që nga fillimi i vitit.

Më 27 gusht 2015, 71 imigrantë të paligjshëm nga Siria, Iraku dhe Afganistani, përfshirë tre fëmijë dhe një foshnjë, u mbytën në ndarjen hermetike të një fugoni, ku kontrabandistët i kishin fshehur.

Ata u zbuluan në Austri, por vdiqën ndërsa ishin akoma në anën tjetër të kufirit.

Gati katër vjet më vonë, gjykatat hungareze dënuan kontrabandistët e tyre me burgim të përjetshëm.