17:58 / 21.10.2021
Blinken: SHBA dhuroi edhe 200 milionë vaksina, totali arrin 1.1 miliardëve
Shtetet e Bashkuara të Amerikës kanë dhënë si donacion edhe 200 milionë doza të vaksinës.
Kështu së paku ka bërë të ditur Sekretari Amerikan i Shtetit, Antony Blinken, i cili ka thënë se ato do të shkojnë për disa vende në botë.
“Kam kënaqësinë të njoftoj se Shtetet e Bashkuara kanë dorëzuar 200 milionë doza të vaksinës COVID-19 për kombet në mbarë botën”, ka shkruar ai në Twitter.
“Ne po udhëheqim luftën globale kundër COVID-19 dhe jemi krenarë që kemi dhuruar më shumë doza vaksine se çdo vend tjetër”, përfundoi ai.
Ndryshe, SHBA deri më tani raportohet se ka dhuruar 1.1 miliard vaksina kundër coronavirusit. /Telegrafi/























