20:40 / 01.11.2021
Pamje rrëqethëse nga Nigeria, shembet ndërtesa 21-katëshe
Të paktën 50 persona kanë mbetur të ngujuar nën rrënoja, pasi një ndërtesë 21-katëshe u shemb në Lagos të Nigerisë, raportojnë mediat lokale.
Ndërtesa u shemb rreth orës 15:00, e në mesin e personave që kanë ngecur nën rrënoja janë edhe punonjësit e kompanisë ndërtimore.
Sipas zyrtarëve lokalë është rritur frika se ka edhe të vdekur, e fotografi rrëqethëse të shkrepura nga vendi i ngjarjes janë shpërndarë nëpër rrjetet sociale.
Megjithatë deri më tani nga autoritetet nuk është konfirmuar nëse ka viktima, apo nëse ndonjëri nga të lënduarit është në rrezik për jetë.























