Turqia dhe Gjeorgjia zhvilluan stërvitje të përbashkët kufitare
Stërvitja ka për qëllim të ndihmojë rojet kufitare të përgjigjen ndaj incidenteve kufitare dhe të kryejnë operacione parandaluese, njoftoi Ministria e Brendshme e Gjeorgjisë.
Turqia dhe Gjeorgjia zhvilluan sot stërvitje të përbashkëta kufitare në kuadër të bashkëpunimit dypalësh mes dy vendeve fqinje.
"Qëllimi i stërvitjeve të përbashkëta ishte shkëmbimi i përvojës ndërmjet njësive kufitare të dy vendeve në fushën e mbrojtjes së kufijve tokësorë dhe përmirësimi i veprimeve të koordinuara në drejtim të sigurisë kufitare. Stërvitja ka për qëllim të ndihmojë rojet kufitare të përgjigjen ndaj incidenteve kufitare dhe të kryejnë operacione parandaluese", njoftoi Ministria e Brendshme e Gjeorgjisë.
Në stërvitje morën pjesë grupet taktike të Divizionit Akhaltsikhe të Policisë Kufitare të Gjeorgjisë dhe Brigadës së 25-të të Forcave të Armatosura të Republikës së Turqisë.
Koloneli Emzar Abramishvili, zëvendësdrejtor i Departamentit të Mbrojtjes së Kufirit Tokësor të Policisë Kufitare të MPB-së së Gjeorgjisë dhe Gjeneral Brigade Berat Acar, komandanti i Brigadës së 25-të të Forcave të Armatosura Turke, iu drejtua të ftuarve dhe pjesëmarrësve në stërvitje.
"Stërvitjet e përbashkëta u zhvilluan në kuadër të planit të bashkëpunimit dypalësh turko-gjeorgjian 2021. Stërvitje të ngjashme mbahen rregullisht, një herë në dy vjet, midis Gjeorgjisë dhe Republikës së Turqisë", vuri në dukje ministria.























