13:32 / 01.12.2021
OECD përmirëson parashikimin për rritjen ekonomike të Turqisë
Organizata për Bashkëpunim dhe Zhvillim Ekonomik (OECD) ka rritur parashikimin e saj për rritjen ekonomike të Turqisë për vitin 2021 nga 8,4 në 9 për qind.
Kështu thuhet në raportin e nëntorit të OECD-së të publikuar të mërkurën, që përmban parashikimet për vitet 2021, 2022 dhe 2023.
Parashikimi i rritjes ekonomike të Turqisë për 2022 dhe 2023 është rritur gjithashtu respektivisht në 3,3 dhe 3,9 për qind.
Në të njëjtën kohë, OECD uli parashikimin e saj për rritjen ekonomike globale për vitin 2021 nga 5,7 në 5,6 për qind.
Parashikimi për rritjen globale për vitin 2022 qëndron i pandryshuar në 4,5 për qind, ndërsa për vitin 2023 OECD parashikon një rritje prej 3,2 për qind.























