19:12 / 07.12.2021
Rritet numri i të hospitalizuarve me COVID-19 në Francë
Të martën Franca regjistroi një rritje të shtrimeve në spital me COVID-19, pas rritjes së rasteve të reja të infeksioneve.
Ministria e Shëndetësisë në Francë raportoi se në 24 orët e fundit 618 pacientë me COVID-19 u shtruan në spitale, duke çuar në 12,714 numrin e përgjithshëm të të hospitalizuarve.
Kjo është rritja e dytë më e lartë gjatë 24 orëve, pas rritjes në muajin prill, kur numri i pacientëve në spitale në Francë ishte mbi 30 mijë e 600.
Ditë më parë, ministri francez i Shëndetësisë, Olivier Veran, ka thënë se vala aktuale e pandemisë në Francë mund të ketë pikun në janar të vitit të ardhshëm.























