Gjermania shënon më së shumti të vdekur nga Covid-i që nga shkurti
BKT
   Bota

Gjermania shënon më së shumti të vdekur nga Covid-i që nga shkurti

Gjermania të mërkurën e shënoi shifrën më të lartë ditore të viktimave të Covid-19 që nga muaji shkurt përderisa po lufton me valën e katërt të pandemisë.

Në 24 orët e fundit u regjistruan 527 të vdekur nga koronavirusi, që është shifra më e lartë që nga 12 shkurti. Numri i përgjithshëm i viktimave shkoi në 104.047, sipas Institutit “Robert Koch”.

Sidoqoftë, shkalla mesatare javore e rasteve për 100.000 banorë vazhdoi të shënojë rënie, nga 432 sa ishte të martën, në 427 të mërkurën.

Autoritetet gjermane javën e kaluar u pajtuan që të vendosin masa kufizuese ndaj personave të pavaksinuar, përfshirë ndalimin e qasjes në shumicën e bizneseve, me përjashtim të shitoreve ushqimore, barnatoreve dhe furrave të bukës.